~नविन आचार्य ‘लेटांगे’~
देउता बस्ने मठ मन्दिरै, ढालिदिए आज मैले
तिमि बस्ने मुटु झिकी , फालिदिए आज मैले
एउटा मात्र हातले ताली , नबज्ने नै भए पछि
चोखो माया भङ्गालोमा, हालिदिए आज मैले
अनेक दुख सहँदा नि , तिम्ले पराई ठाने पछी
आफ्नै हात्ले आफ्नै संसार,बालिदिए आज मैले
आफ्नै खुसि बेची तिम्रा, खुसि किन्न नसकेसी
लाचार आफ्नै आत्मालाई, गालीदिए आज मैले
मेरो जीवन तिम्रो लागि,बाधक बन्न थाले पछी
बिबस पाईला स्वर्ग तिर , चालिदिए आज मैले
देउता बस्ने मठ मन्दिरै, ढालिदिए आज मैले
तिमि बस्ने मुटु झिकी , फालिदिए आज मैले
-लेटांग ४ मोरंग
हाल रावागं मलेशिया
