गजल : शहर भरेर आँए

~भूपेन्द्र काफ्ले ‘नयन’~

तिम्रो मायामा पग्लीएछु, शहर भरेर आँए
मनै बाट उम्लीएछु, रहर भरेर आँए

अनेक थरी आए मनमा तृष्णा भरी भरी
तिम्लाई पाउने आसमा, लहर भरेर आँए

बसन्तको पालुवा झै नयाँ रुप बोकी
तिम्रै निम्ती रमाएछु, बहार भरेर आँए

भोकाएकी बाघीनीलाई उपहार बनी
आँफैलाई मारेर खै, आहार भरेर आँए

तिम्रो निम्ती अरु त के संसार छोड्न सक्छु
त्यसैले त सानु पेटमा, जहर भरेर आए

(स्रोत : रचनाकारको ब्लगबाट सभार)