~सजना गुरुङ~
सत्य कर्म गर्न पाएँ सार्थक हुन्थ्यो म जन्मेको !
श्रेष्ठ बनि मर्न पाएँ सार्थक हुन्थ्यो म जन्मेको !
चेतनाको आँखा खोली अँध्यारो यो संसारमा
शिक्षा ज्योती छर्न पाएँ सार्थक हुन्थ्यो म जन्मेको !
लौरो बनि बाआमाको बुढेसकालको सहारा भै
दुख कष्ट हर्न पाएँ सार्थक हुन्थ्यो म जन्मेको !
भोकै सुत्ने बस्ती तिर खाली पेटको चारो हुँदै
अंजुलीमा झर्न पाएँ सार्थक हुन्थ्यो म जन्मेको !
देखाएर सही बाटो प्रेरणाको विजन बनी
सब्को मन्मा सर्न पाएँ सार्थक हुन्थ्यो म जन्मेको !
कुश्मा , पर्वत
हाल इजरयल
