~डा. रुपक श्रेष्ठ~
हर्हराउँदा मनहरु एक भेट दिन आउदिन यो कस्तो माया हो ?
थर्थराउँदा ओठहरु एक चुम्बन दिन सक्दिन यो कस्तो माया हो ?
उनी देख्छिन् म देख्छु लोलाउँदै आँखाहरु रसाउँछन् दुबैको
न सक्छु म बोलाउन उनी झन बोल्दिन यो कस्तो माया हो ?
कागत छ कलम छ थुप्रो छ मनभरि कुरा सबै भन्नुथ्यो
चिठ्ठी कोर्न पोखेर मन किन आँट्दिन यो कस्तो माया हो ?
म गल्दैछु म ढल्दैछु दिनदिन बैद्य छन् सिरानी छेउ अहो
आफन्तकै भिडमा उनी कतै देख्दिन यो कस्तो माया हो ?
यो शायर जान्दछ थाक्नेछैन रोएर त्यो दिन देखि उनी
तै यो लाशमाथि एक फूल फाल्दिन यो कस्तो माया हो ?
(स्रोत : सत्यतथ्य मासिक)
