~कमल प्रकाश पौडेल ~
आस्तै–आस्तै म तिरको, न्यानो माया मार्दै जानू
अनर्थ कल्पना हैन, भुल्ने बानी पार्दै जानू ।।
मैले हैन हतारमा, वल्छी थाप्ने तिमी नै हौ
दुवोमाला लगाउने, उसैलाई तार्दै जानू ।।
सहकार्य सहमति, तोडाइमा चाप दियौ
विवाहित जिन्दगीमा, दुःखहरू टार्दै जानू ।।
तिम्रा मात्रै चाहना छन्, म त शून्यभित्र बाँच्छु
आकाशका तारा सबै, हत्केलमा झार्दै जानू ।।
उसको साथ भइहाल्छ, तिम्रो जीवन खुशी रहोस्
आशा पुरानो मगँग, पानी छिटो वार्दै जानू ।।
–रचनाकालः–२०६५÷०८÷२४
(स्रोत : रचनाकारको ब्लगबाट सभार)
