कविता : परसरेकी छे कविता

~नरेन्द्र पराशर~Narendra Guragain 'Parasar'

एकरसताको महानिद्रामा
स्वप्नदोष्ले स्खलित आकाश
तुष्ट देखिन्छ
नजिकै
सिर्जनाका स्वप्नपुष्प लुकाएर
ख्यालठट्टै धर्ती अवैध गर्भवती भएकी छे
सौन्दर्यको दुनियाँँमा
आनन्दको भाग खोस्न
संसार अगाडि सर्दा
आजै परसरेकी छे कविता !

असल पर
हिलैहिलो को जान्छ र ?
फूलले आत्महत्या गरेको साँझ
कुन माहुरी खुशी हुन्छ र ?
अँध्यारो छर्ने मैन्बत्ती बाल्न
हतारिएका छन भानुका प्रकाशहरू
सौन्दर्यको दुनियाँँमा
आफैँलाई कुरूप पार्न
संसार अगाडि सर्दा
आजै परसरेकी छे कविता !!

-नरेन्द्र पराशर
झुर्किया-९ र्मोरङ, नेपाल

(स्रोत : प्रयास अनलाइन द्वैमासिक, बर्ष:३, अंक:६, संस्करण:२४, नोभेम्बर – डिसेम्बर २०१३(अ. ने. सा. स. फर्मोसा च्याप्टर, ताइपेइ, ताइवान))

This entry was posted in कविता and tagged . Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.