~स्वामी सुभाष चन्द्र~
तिम्रो दिलको सरकारमा भेटिन्छ ऊ
र ईज्जतदारको,बजारमा भेटिन्छ ऊ
चर्चा संगै व्यस्तताको,कुरा नगर्नुस
काठमान्डौ कहिले तपोबनमा भेटिन्छ ऊ
छेपारा हो रंग फेर्छ,बोल्छ मीठो कुरा
अचेल फूलको,सवारमा भेटिन्छ ऊ
संसारलाई जीते भन्दै जति ऊफ्रे पनि
भीत्र आफै संगको,हारमा भेटिन्छ ऊ
नारी हकको दिनै भरी वकालत गर्छ
साँझपख रेष्टुरेण्ड र बारमा भेटिन्छ ऊ
(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )
