~अज्ञात मित्र सागर~
सल्लाहको शुल्क माग्छन्, कमाई गर्नेहरु…
सेवा नै हो धर्म भन्ने, भनाई गर्नेहरु…
ज्यानै बाजी थाप्ने योद्धा, साहसी छन् भन्थेँ,
मृत्युसँग भाग्दा रैछन्, लडाई गर्नेहरु…
ओखतीमा दम कहाँ, सेवन बेकारै छ,
बिश्वासले खाऊ भन्छन्, दबाई गर्नेहरु…
भ्यागुतोले पोखरी नै, संसार देख्छ अरे,
आँफैलाई देउता ठान्छन्, मपाई गर्नेहरु….
अर्को आङमा जुम्रा देख्न, मुस्किल छैन ‘मित्र’,
कत्ति साह्रो फोहोरी छन्, सफाई गर्नेहरु….
सिजुवा ९, मोरंङ
