~गणेश कार्की~
म छु सँगै तिमी छौ अनि मेरा रहरहरु ज्यूदा छन्
बग्दछ माया यत्र तत्र, नदि नहर हरु ज्यूदा छन् ।
अभावमा तिम्रो साथ पाएँ, सुखमा पनि तिमी खोज्छु
आशा छन्, सयौं सपना छन्, अनि प्रहरहरु ज्यूदा छन् ।।
बढ्छ रे दुरता, राशी मिल्दैन ग्रहले दुख दिन्छ रे
पिडा–आँशु हुन्छ मान्छेमा, र त जहरहरु ज्यूदा छन् ।
अकाट्य के छ संसारमा ? ज्ञान फेरिए, सत्य फेरिए
छुट्छन् फेरि मिल्छन्, सागरमा लहरहरु ज्यूदा छन् ।।
(स्रोत : रचनाकारको ब्लगबाट सभार)
