~नवराज बुढा ‘नवीन उदासी’~
बिश्वमा नेपाली नपुगेको कहाँ छ र ?
सगरमाथा सिर झुकेको कहाँ छ र ?
सेताम्य देखिन्छ मनैमोहक हुनेगरी,
कमसल नराम्रो लुकेको कहाँ छ र ?
फूलझै भए’नि हिउँ जस्तो भए’नि,
हजार चोटले’नी दुखेको कहाँ छ र ?
अबसर नपाएरै हो हामी पिछडिएको,
गोर्खाली मनहरु चुकेको कहाँ छ र ?
जतिनै जटिल परिस्थिति आए पनि,
बिरहरु डराएर नै लुकेको कहाँ छ र ?
-बुढागाउँ, रोल्पा
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
