~नवराज भुजेल “राज”~
प्रणय को संसार मा डुल्दै होला कोहि
पिरतीको बगैचा मा फुल्दै होला कोहि
मेरो जस्तै कसैको त , छुटे पनि होला
प्रेमिल मिठो बातमा खुल्दै होला कोही
मन मुटु नै चोर्छन मिथ्या माया जोडि
प्रेम रुपि जहर मा , घुल्दै होला कोहि
कती लाई जुटायो त कती बिछोड भो
कठोर बनी अतित भुल्दै होला कोही
बसन्त मै उजाडिए , एक्लो बनी रहेँ
पराइको अँगालोमा झुल्दै होला कोहि
नवराज भुजेल “राज”
दोर्पा चिउरी डाँडा ४ बुवासुङ्
खोटांग दिक्तेल सगरमाथा
