~टंक सम्वाहाम्फे~
दृश्यहरु
म देखिरहेछु
र हेरीरहेछु
मन्त्रमुग्ध भएर
एउटा रमितेले झैं
क्षण क्षण बद्लीरहने अनेकौ दृश्यहरु
लागिरहेछ
दृश्यहरु म जुन देख्छु
ती दृश्यहरुले
मलाई पनि हेरीरहेछ
जसरी म दृश्यलाई हेरीरहन्छु
किनकी हरेक दृश्यहरुले
मेरो मनस्थितीमा
एकाएक सत्ता जमाउछ
र दृश्य भयावह हुदा
मलाई भयभीत तुल्याउछ
दृश्य शोकग्रस्त हुदा
मलाई शोकाकुल वनाउछ
दृश्य रमणिय हुदा
मलाई पुलकित वनाउछ
दृश्य यसरी
अनायासै
म भित्र पसेर
आदेश गर्छ
र म आज्ञाकारी भै
दृश्यहरुको निर्देशनलाई पालना गर्छु
अझै पनि म भ्रमीत भैरहेछु
कि दृश्यको म दर्शक हु
वा त्यसको इमान्दार सेवक हु
किनकी म दृश्यवाट
वारम्वार सन्चालित भैरहेको छु
र हरेक दृश्यको परिवर्तन संगै
मरो सम्पूर्ण मनस्थिती
वद्लीरहेको हुन्छ
त्यसैले दृश्य मेरो दृष्टि भएर उभिदिएको छ
(स्रोत : कविता कुसुम)
