~राजेश नेपाली~
फेरि पनि राता मसाल बाल्नै पर्ने भएको छ
फलामे ती किल्लाहरू गाल्नै पर्ने भएको छ
हेर्दा हेर्दै नेपाललाई टुक्राटुक्रा पार्नै आँटे
बचाउन मसाल अब बाल्नै पर्ने भएको छ
जननी जन्म भुमी प्यारो घर नेपाल हाम्रो
हातेमालो गरिकन टाल्नै पर्ने भएको छ
साम्राज्यवाद, विस्तारवादले हाम्रो देश नेपाललाई
लगाएको कालो दाग फाल्नै पर्ने भएको छ
नेपालीको खुन पसिना चुसीचुसी बनाएका
सामन्तका महलहरू ढाल्नै पर्ने भएको छ
खाँचीकोट–२, अर्घाखाँची
(स्रोत : हाँक विक्ली – वर्ष २७, अंक २६ – २०६७ जेष्ठ ०५ गते, बुधबार)
