~नुरु शेर्पा~ 
ङोसुम्बला खुरुङ माठे, मिलम्लाठेनी हिन्दे ।
ख्योर्लातिरङ नासाम डिनो,मिलम्ला ठेनी हिन्दे ।
ख्योर्ला ठेनी ताम किरु,नासाम तगिन हाने ।
फेसबुकला गुसी माठे,मिलम्ला ठेनी हिन्दे ।
ङिङ्जे किरु दाल्जा चिक्ररङ,हिन ख्युरु ङेती ।
बौदला ठेकिते सेसी माठे,मिलम्ला ठेनी हिन्दे ।
ख्योरे नाक्सा हाने,नासाम तोगिन होइ मिजी दाक्पिती ।
ख्युरुङे दाङ सिना जेमु थोगिनो,मिलम्ला ठेनी हिन्दे ।
नासाम सार्सु ङाला, खोरे डाबला ङिङ्जे क्यउ ङिमा ।
डोजो बाला मुलरङ होतु दोके लासुङ,मिलम्ला ठेनी हिन्दे ।
ङोसुम्बला खुरुङ माठे, मिलम्लाठेनी हिन्दे ।
ख्योर्लातिरङ नासाम डिनो,मिलम्ला ठेनी हिन्दे ।
नुरु शेर्पा
गुदेल -६ , नुर्कुम सोलुखुम्बु ।
(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )
