~टंक वनेम~
अराजकताको कालो ख्याकले
देश तर्शाइ रहेको बेला
ए… देशका नेताहरु हो
ए… देशका पेशागत बुद्धिजीबीहरु हो
ए… लेखक पत्रकारहरु हो
अधिकार प्रतिबन्ध भएको बेला
मौलिक हक निलम्वन भएको बेला
आउ
बरु एकैछिन
बत्तिस पुत्तलिको भट्टपिसलमा
मज्जाले तोङबा तानौं ।
निषेधाज्ञा लागेपछि
सार्बजनिक जीवनको गोरेटोमा
कानुनी गोली खाइने भए पछि
ए… ब्यापारीहरु हो
ए… पर्याटन ब्याबशायीहरु हो
ए… बिद्यार्थीहरु हो
आउ
सुरक्षित ठाउ”को खोजी गरौं
देवताको पालामा सोमरस भनिने
आधुनिक तोङबा तानौं ।
प्रजातन्त्र सन्केको बेला
मन्दिर,मस्जिद, र शिक्षालय
सडक, पाखा पखेराभन्दा
बत्तिस पुतलिको भट्टीपसल नै
धैरै सुरक्षित छ
आउ…..
आधुनिक संस्कृतिको जयजयकार गदै
मरिरहेको मुलुकको नाममा
एउटा शोक उत्सव मनाऔं
हो…..
साच्चिकै बीर गोरखा हौं भने
मातेकै सुरमा- अब एउटा नया
इतिहासको रचना गरौ ।
हाल – वेष्टमिडल्याण्ड्, वेलायत
(स्रोत : कविता कुसुम)
