~चकेन्द्र राई “कैदी”~
एक जोडी परेवा रत्न पार्कमा उडार्इ दिन्छन् ।
उद्घाटनको नाममा रातो रिबन चुडार्इ दिन्छन् ।
अझै पनि सुक्या छैन हातको मेरो आलो ठेलो।
नेता जी को मिठो भाषण ढाटि खाने मेलो ।।
एउटा नेता एकै दिनमा के के गर्न सकेका हुन ।
स्वास सम्म नफेरी नै बक्न सम्म बकेका हुन ।।
जनता पनि उस्तै नै छौ सबै सबै बेराजगारी ।
त्यसको फाईदा नेताहरु लिए कै छन् घरी घरी ।।
शान्ति पनि आ को छैन न त हुन्छ बिकाश ।
इमान्दारी नेता बने यहि यसको निकास ।।
नेपाल र नेपालीको झन झन बड्दो बेहाल ।
हामीहरुले चाहेको खै त हाम्रो नयाँ नेपाल ?
असस्तुष्टि जनताहरुलाई जवाफ कस्ले दिन्छ ?
संविधान नबनेमा यसको जिम्मा कस्ले लिन्छ ??
चकेन्द्र राई ”कैदी”
धनकुटा, हाल :- दोहा, कतार
(स्रोत : कविता कुसुम)
