~सूर्यविक्रम याक्खा~ 
चेप्सो टाँसीएका ,फनफनी घुम्दै ,
गाँऊ,वस्ति-वस्तिहरुमा ,
ओछयानको चोसा-चोसामा ,
चाहारिएर ,सुटुकै वसे छ ,
ति भोका उडुसहरु …,
कोही चिच्याउदै कार्पेट र
भित्ता-भित्तामा दगुरी रहे ।
कोही गुजुल्टीएर वसिरहे ,
मानव रुपी गन्ध , पाउन साथ
छरिए ,सशंस्त्र , भोको प्यास मेटाउन ,
भोका उडुसहरु ……।
रगत चुस्न पल्केका
शहरको अलिसान माथि
पुटुस ढाडिएर ,
छक्का दाऊ कुरिरहे …,।
ति भोका उडुसहरु …………..!!
मोरङ्ग, हाल – साउदीअरव रियाद
(स्रोत : कविता कुसुम)
