कविता : अनुरोध

~योगेन्द्र राज शर्मा ‘प्रकार अन्तर’~

हे अतिरन्जित चमकहरु हो !
मेरा आँखाहरुको ज्योति लैजाउ
र चम्क तिमीहरु अझ धेरै
तिम्रा प्रकाशहरुमा
विभेदको कालो जिउ
झन छर्लङ्ग भएर देखियो
ढक्क फुल्यो मेरो मुटु
त्यो किङकङ दारा उझाइरहेछ
म फिल्मको हिरो होईन
हे अतिरन्जित चमकहरु हो !
पार मेरा आँखाहरुमा
औंसीको छायाँ
र तिमीहरु जसरी नाच्न चाहन्छौ
त्यसरी नै नाच ।

(स्रोत : कविता कुसुम)