~बिदुर अधिकारी~
सुन्सान ठाउँ,केही धक् नमानी
पल्टि रहेछौँ,दुई जिन्दगानी
सम्झी बिगतका,इतिहांसलाई
तस्विर हेर्छु,खूब याद आई
हामी गरीबको,कही छैन ठाउँ
सरकार भन्द्यौ?,कुनठाउँ जाउँ
हुँदैन क्या हो,गरिब्को भलाई
तस्विर हेर्छु,खूब याद आई
यी बीर पूर्खा,हरुको निसानी
शहीद्हरुको,बुझिल्यौ कहानी
एउटै रगत् हो,नभन पराई
तस्विर हेर्छु,खूब याद आई
यो टन्टलापुर,चरक्क घाम
गरीबको हुन्न,यहा उठान
गणतन्त्र के हो?,बुझिएन भाइ
तस्विर हेर्छु,खूब याद आई
यो राष्ट्र हाम्रो,बहुतै छ प्यारो
परन्तु राहत, हुनगो उधारो
कुर्ची र सत्ता,अती भो लडाइँ
तस्विर हेर्छु,खूब याद आई
नयाँ नेपालको,सुनिदै छ नारा
नेताहरु कत्ती, नटार झारा
महँगी बढ्दै छ,गगन् उचाई
तस्विर हेर्छु,खूब याद आई
न आङमा छन, कपडा सुकिला
न जिन्दगीमा,सपना सुकिला
शोषक बस्याछन,जनता कजाई
तस्विर हेर्छु,खूब याद आई
नौलो बिहानी,अब ल्याउनु छ
उन्मुक्ती हाम्ले,अब पाउनु छ
ठुला बढाकै,अती भो रजाइँ
तस्विर हेर्छु,खूब याद आई
