~तीर्थ संगम राई~
उदास तिम्रो मुहारमा खुसी तिमीले बारे पछि ।
आँशु झार्न हुदैनथ्यो मलाई माँया मारे पछि ॥
हिजो सम्म तिम्रा लागि कयौं रातहरु रोए मैले ।
आज माँया गर्छु भन्छौ अरुले माँया सारे पछि ॥
हातहरु फैलाई रहें किनारा छेऊ एक्लै बसी ।
तिमी आयौ बहकिन्दै अर्कैले खोला तारे पछि ॥
दोष मलाई नदेऊ तिमी दोष मात्र तिम्रो थियो ।
धोका पाएँ भन्दै हिड्छौ आफ्नै प्रेममा हारे पछि
बाँचा कशम जति खाऊ “गीता” टाढा भए पछि ।
चाहिन्दैन भो साहारा तिम्रो छाँगाबाट झारे पछि ॥
~तीर्थ संगम राई
स्यामुना
लेटाङ्ग—७, मोरङ्ग
हाल—दोहा, कतार
(स्रोत : रचनाकारको ब्लगबाट सभार)
