~कृष्णकला वनेम ‘करिना’~
जीउँन धेरै गाह्रो भयो आज तिमी विना
जाल भित्रको माछी जस्तै भएँ पानी विना
एकैछिनको पर्खाई लाग्यो बर्षौ जस्तो
सबै साथमा भएपनि केहि छुटे जस्तो
तिम्लाई पनि यस्तै हुन्छ मेरो साथ विना
जाल भित्रको माछी जस्तै भएँ पानी विना
विहानीको पवन पनि राप भई पोले जस्तो
तिमी साथमा नहुँदा छाती सवै दुखे जस्तो
वादल लाग्यो आकाशमा हाम्रो मीलन विना
जाल भित्रको माछी जस्तै भएँ पानी विना
(स्रोत : कविता कुसुम)
