~विश्व राज भेटुवाल~
ओइ मान्छे
आउ यहाँ
खन्न एक खाडल
आफ्नो लागी ।
उठाउँ बेल्चा
चलाउ साबेल्
बगाउ पसिना
खन भुमी
बनाउ खाडल
लुकाउन आफुलाई ।
सत्य कि झुट
न्याय कि अन्याय
शोषक कि शोषित
धनी कि गरीब
काला कि गोरा
आउ मिलाउ हातहरु
खन्न एक खाडल
आफ्नै लागी ।
ओइ मान्छे
के अझै लाग्दैन तिमीलाई
खन्नु पर्छ खाडल भनेर
पृथ्वी को गर्भ मा पुर्नलाई
अन्यायका प्रतिमुर्तिहरु
शोषितका आशु र भोकहरु
गरीबका आङ र पेटहरु ।
(स्रोत : रचनाकारको ब्लगबाट सभार)
