~सुविद गुरागाई~
छिनमै लहर उठेर आउंछ छिनमै शान्त हुन्छ ।
छिनमै मुटु दुखेर आउंछ छिनमै शान्त हुन्छ ।
कि लगिदेउ किनार पारि कि दोडिदेऊ एक्लै वारि,
छिनमै बाढी उर्लेर आउंछ छिनमै शान्त हुन्छ ।
के गरुं हो कसो गरुं ! दोधार भो जिन्दगीमा,
छिनमै छाती चर्केर आउंछ छिनमै शान्त हुन्छ ।
रुझ्न पनि पाइएन लौ ! मनै भिज्ने गरी,
छिनमै पानी दर्केर आउंछ छिनमै शान्त हुन्छ ।
०००
(इटहरी–२, हलगडा, सुनसरी)
bisnuprasad.bg@gmail.com
(स्रोत : रचनाकारको ब्लगबाट सभार)
