~च्याङबा तामाङ~
चुनाव हाजी ज्यो ज्यो आले ठिमला काइरान ढ्वागे दारेम
ताम्सालिङला बु ह्वारारी छोर्बा छोरङान स्वागे दारेम ।।
ग्यार्जा तोङजा नाङसिन थान्जी कथित ग्लेठिमसे
नाङबा प्लेबा बाँझो री ह्याङ डिक्सी ख्वागे दारेम ।।
ङ्हाम्बा, ज्याबा, केकेबारी स्याउरी ह्राङ आतागे है
ऐ ङा गुङरी काङ नाङबादा आख्लना साइगे दारेम ।।
म्लाङ म्लाङबा दोप्पा न्हाङरी कादे टिजी मिख्ली फ्यासी
ताम्सालिङला नाङसाल म्राबादा गिदासी म्हाइगे दारेम ।।
नगि से मे ह्योङबा ह्राङ ह्वाम्सी ह्वाम्सी खला दबे
नगि तावार दोसी खाबादा पुखरी दोसी छ्वागे दारेम ।।
च्याङबा तामाङ
काभ्रे तेमाल डहुन्हान ४
