गीत : आँसुको महत्व हुँदैन

~राकेश कार्की~

जब तिम्रो आँसुको महत्व हुँदैन
बगिरहन्छ अविरल कसैलाई छुँदैन
अलि अलि माटोले लुकाइदेला
अलि अलि घामले सुकाइदेला

तिमी एक्लै हुन्छौ केवल तिम्रो मनमा
समाउदैनन् कसैले लडेपनि जीवनमा
आफ्नैलागि मात्र सबै तिम्रो कोही हुँदैन
जति रोउ आँसुको महत्व हुँदैन

के आशा खै र तिम्रो को छ र
खुसी हुनेहरू सबै तिमीदेखि पर
हाँस्नेसंग सबै तिमीसंग कोही रूँदैन
जति रोउ आँसुको महत्व हुँदैन

(स्रोत : Ratopati)