~बलदेव भट्ट “बिहानी”~
पुष्पशाक टीप्न खाराबाट दुनै हनिएपछि
भालुवांग का भोको बजार
राप्तिको किनार लाइ दोषारोपण गर्छ
मध्य दिनको बादलमाथि आगलागी भएपछि
मैले,
मेरो देशमा सूर्यास्तको संभावना देखेको छु !!
सुस्ता तीरबाट पिडाएको मेरो बस्ती
काली र सेतीसंगै बेचिएर पश्चिमतीर बग्छ
दार्चुलाको उकालिबाट चिढीएको कालापानी
भरियाहरुसंग युद्ध गर्न थालेपछि
मैले,
मेरो देशमा सूर्यास्तको संभावना देखेको छु !!
घर दलिनको भागवन्डा गरि
हजार नेपाल बनाउन तम्सिएका दिन
आकाशको रातो सूर्य लजाएर
पश्चिमतीर रातो मुख फर्काएपछि
मैले,
मेरो देशमा सूर्यास्तको संभावना देखेको छु !!
राज्यारोहणको दिन मेरो मालिकले
कुन अलंकारमा सपथ लिए ?
मौनातामा मेरो देशको साहित्य
राती राती तिनैसंग पोइला गएपछि
मैले,
मेरो देशमा सूर्यास्तको संभावना देखेको छु !!
डडेलधुरा देखि ढल्केबर सम्मको बाटो
ववै किनारतीर बाट अलग हुन थाल्छ
पहाड़को पटुकी खुस्काई यौवन लुटिएको दिन
मैले,
मेरो देशमा सूर्यास्तको संभावना देखेको छु !!
नेपाली पनको चौरास्तमा
देशको लीलाम बिक्री हुन लाग्दा
मेरो सम्रिद्द छिमेकी लीलाम बढा बढ़ गर्दैछ
गरहुंगो मुल्यमा तराईको पाटो नुहिएपछि
मैले,
मेरो देशमा सूर्यास्तको संभावना देखेको छु !!
अस्थित्व बिलाएनमा झरेका आशु देखेको छु !!
बलदेव भट्ट “बिहानी”
सिंगापुर
baldevbihani@yahoo.com
April 4th, 2009
(स्रोत : Mysansar.com)
