~गणेश घिमिरे ‘मार्मिक’~
आकाशको छानो धर्तीको ओछ्यान तकिया आफ्नै शीर
अभाव ओढी चौरीमा लडी खेलाउँछन् मनमा पीर
शहीदका तस्वीर हातमा लिई पल्टेर हेर्दैछन्
व्यर्थैमा मर्यौ शहीद भनी गुनासो गर्दैछन्
घाम र पानी तुषारो शीत छेकेन क्रान्तिले
गरीवका घरमा दुःखीका मनमा टेकेन शान्तिले
पेटभरि खाने आङ्भरि लाउने बोकेर रहर
लाला र बाला लिएर साथ पसेको सहर
जिन्दगीभरी परिश्रम गरी सुध्रेन अवस्था
पर्खेर बसे ती र्सवहारावर्गको व्यवस्था
कामले थाकी थकाइ मार्न पल्टेका घाँसमा
ती र्सवहारा मनमा कुरा खेलाउँदै आशमा
०००००
e-mail : ganeshmarmik@gmail.com
