~गोपालप्रसाद रिमाल~
रातो र चन्द्र सूर्य जंगी निशान हाम्रो
जिउँदो रगतसरि यो बल्दो यो शान हाम्रो
हिमाल झैँ अटल यो झुकेन यो कहिले
लत्रेन यो कहिले जंगी निशान हाम्रो
यो जन्मदै जगतमा कैयौं प्रहार आए
साम्राज्य दुई हारे हारेन शान हाम्रो
जबसम्म चन्द्र सूर्य आकाशमा रहन्छ
तबसम्म हुन्छ आफ्नै रातो रगत यो हाम्रो
गाईसरि छन् साधु जो जो यहाँ जगतमा
सबको शरण बलियो जंगी निशान हाम्रो
स्वर : किरण प्रधान, रविन शर्मा, सुनिता सुब्बा
सङ्गीत : अम्बर गुरुङ
शब्द : गोपाल प्रसाद रिमाल
एल्बम : शान्ती सङ्गीत सन्ध्या
