~नवराज लम्साल~
आज पनि बिहानै
यात्राको एउटा बस
घुम्न नपाउदै घामको कलिलो चुम्बन
धुँवाधुँवा भएछ !
डढेको दुवै हर चिस्याउदै
दुधे बालिका
फूलमा अडेस लागेकी छिन्
ढुंगा भएको छ उनकी आमाको मन
मन ढुंगा भएपछी
दुध पग्रदो रहेनछ
आँसु पिइरहेछिन बालिका
नजिकै खोलो बगिरहेछ बारुद बगाएर !
बस जलेको धुँवा फैलिएको बनमा
गणतन्त्रको नयाँ भाष्य बन्दैछ
अल्लिपर ठुलो दरबारमा
एकादेशका राजा
नातिको राजयोग देखाउदैछन ज्वातिषिलाई
