~देवी उपरकोटी~ 
मान्छेको जात मान्छे नै हो, अरू केही पनि होइन
स्वास्नी मान्छे लोग्ने मान्छे वाहेक अर्को जात छैन
उसको पनि रातो रगत मेरो जस्तै हेर
कसरी ऊ अछुत ! भयो भ्रम भयो यहाँनेर
काम गर्ने निहु पारी कामको बाँडफाँड गर्दा खेरी
टाठाबाठा मान्छेहरूले जात छुट्याए मान्छे हेरी
जुत्ता चल्ने कपडा चल्न्र पानीचाहिँ किन नचल्ने
थिचिएर होला शायद जातपातमा मान्छे नबोल्ने
जाऔं अब हात समाउँ मान्छेको जात एउटै बनाउँ
रूढीवादी विचार त्यागी साँच्चै नयाँ नेपाल बनाउँ
2010/04/01
(स्रोत : “लालीगुराँस” बिद्युतीय साहित्यिक पत्रिका – अङ्क ४, अप्रिल २०१०)
