~सिम्रिका घले~
नेपाली हुँ भन्ने जतिले
अलमस्ती भई बस्नु भएन
हिम्मत हारी कहिले पनि
लाचारीमा फस्नु भएन ।
हुर्दुंगेहरुको क्रियाकलापले
पराश्रयी बनाउँदैछ हामीलाई
असन्तोषको पेसाले पनि
हैरान गराउँदैछ हामीलाई ।
रुने रुवाउनेको साँठागाँठको
रहस्य नबुझी खस्नु भएन ।
जब कि अनर्थकारीहरुसित
सम्पर्क गरेर बढ्यौं भन्दछन्
हुने र नहुने काम गरेर
हामी मास्तिर चढ्यौं भन्दछन् ।
यस्ताहरुको कुकृत्य सहेर
आफूलाई डस्न भएन
नेपाली हुँ भन्ने जतिले
आफैं घाँटी कस्न भएन ।
(स्रोत : श्री रुपरेखा)
