~कृष्ण प्र. पाण्डे~
शुभकामना शुभकामना शुभकामना
शुभकामना शुभकामना शुभकामना
आऊन् सारा दिनहरु हर्षै हर्षको
शुभकामना छ यही नव वर्षको
आगामी दिनहरु तिम्रै पक्षमा रहुन्
जुन , घाम, तारा तिम्रै कक्षमा घुमून्
बितून् सारा दिनहरु पर्वै पर्वको
शुभकामना छ यही नव वर्षको
पाइला सफलताको खुशीले चुमोस्
गर्वले शिर सधैं नै उठि नै रहोस्
घटून् सारा घटना गर्वै गर्वको
शुभकामना छ यही नव वर्षको
रचना :-२०५३-१२ – २६
(स्रोत : रचनाकारको फेसबुकबाट सभार )
