~मान बहादुर के.शी. ‘देउडाप्रेमी’~
दिन दहाडै ईज्जत लुट्छन् हाम्रो नेपालमा
बिहान थुन्छन् साँझ छुट्छन् हाम्रो नेपालमा
भ्रष्टाचार को बिरोधमा छुस्स बोल्यो भने
गोरु झै मरुन्जेल कुट्छन् हाम्रो नेपालमा
कहाँबाट होस् निकास कसले गर्छ बिकास ?
एक दलमै पाच छ गुट्छन् हाम्रो नेपालमा
अपराधी खुलेआम सम्मान स्वरुप घुम्दा
पीडितका सपना टुट्छन् हाम्रो नेपालमा
सहयोग गर्नु छोडेर बिपत्तिको घडीमा
नेतानै लुटपाटमा जुट्छन् हाम्रो नेपालमा
सँगमटोल टिकापुर ७ कैलाली
हाल- फुजैराह यू.ए.ई
(स्रोत : Rescuenewsonline)
