~उमा गौतम~
अस्तित्वको पहिचान ढल्यो जिउनै पर्यो जिन्दगी
नसा – नसा गल्छन यसै जिउनै पर्यो जिन्दगी
बलात्कृत आमा रोइन झेलभित्र बाबु ढले
द्वन्द्वरुपी आगो बल्यो जिउनै पर्यो जिन्दगी
कुटिए दाईहरु लुटीए सारा पहिचानहरु
देशबिहिन पीडा जल्यो जिउनै पर्यो जिन्दगी
देश फिर्ने आसाहरु बटुल्नलाई वर्षौ बित्यो
सरकारले छल्नु छल्यो जिउनै पर्यो जिन्दगी
नयाँ देश भेष भाषा अङ्गालनलाई जीवन पुग्यो
फेरि बेग्लै आसा फल्यो जिउनै पर्यो जिन्दगी
पिट्स्बर्ग, पेन्सलभेनिया, संयुक्त राज्य अमेरिका
(स्रोत : रचनाकारको ब्लगबाट सभार)
