~बासु श्रेष्ठ~
दशैं बित्यो तिहार बित्यो विदेशमा दाई
सुख छ कि दुख छ कि हेरि देउ आई
आमा बावु साखा सन्तान देशमा नै छोडेँ
सँधै जस्तो हिजो पनि ओछ्यानीमा रोएँ ।
आउँछु भनि पियारीलाई कति कसम् खानु
दुई पैसा साथ नलि किन देश जानु
आज आज भोलि भोलि पैसा झन् झन् टाढा
घरको माया जति सम्झ्यो उति हुन्छ गाढा ।
गर्भे छोरो हिँड्ने भो रे टुकुटुकु गिर
बाबा बाबा भनि खोज्छ मलाई घरि घिर
बाबा भने कतै पर पसिना र आँसु
हामी बिचको दूरीपना कसरी पो नासुँ ।
आमा बाबु कुर्छन् बरा मझेरीमा सँधै
कुर्छे कान्छी त्यसै गरि बुढाबुढी सँगै
छोरो नाती काखमा राखी आँखा तानी रहन्छन्
हरेक पल मलाईमात्र सम्झी सम्झी बस्छन् ।
विदेशको मोह हो कि या त मोह धनको
या हो मोह दुबै चिजको हल्का भई मनको
धन भन्दा मन ठुलो बुझेँ मैले अहिले
जान्छु देश छोड्छु यता मनले भन्यो अहिले ।
उड़ब्रिज, भर्जिनीया
(स्रोत : Khasskhass)
