~रुद्र बहादुर श्रीस मगर~
मगराँट लाके ङाराहाङ
ठूप्रई डूख पाहाम
वार्च जडीक रीक्म
मगरकॊके काट ठोवाआङ झोरोक्म
परीस्ठाङ बन्नूक ढरी फोडोक्म
ङा मगराँट लाके ङाराहाङ
ईमाङ लेच लाम
ओल्च ज्याट ज्याम
माओल्ढीङ ड डी गाम
ईम जहान कठाहा भाम
ङा मगराँट लाके ङाराहाङ
मासेहेच बढीन छान्ढीङ ड वील्म
डई नानी डाजई भोयाके डास्म
पट्टकूङ मीगीन भास्म
ल्हेस्लाङ डेच जूहाम काम
ङा मगराँट लाके ङाराहाङ
लाफाकोके ह्वाके घोक जाट्म
गीन सेचकोके कठाहा योट्म
मीकाँढाङ बन्नूक हूटाङ टूम्लेट बूम
कसम ज्याम डेऊरालीके छूम
ङा मगराँट लाके ङाराहाङ
