~गोपाल योन्जन~
केटि –
तिमी देउ या नदेउ तिम्रो माया,
मैले मन तिमीलाई बांडी सकें
केटा –
मलाई देउ या नदेउ तिमी स्वीकृति,
मैले मनमा तिमीलाई राखी सकें
केटा –
हुन त यो नौलो चिनाजानी,
संकोच लाज बिचको कुराकानी
तर लाग्छ मलाई २ तिमि देख्दा,
मेरो बिगत जनमकी संगिनी
तिमी नौली बन या पराइ,
तिमीलाई हृदयले नै चिनी सकें
तिमी देउ या नदेउ….
केटि –
तिमि साथ रहंदा मलाई लाग्छ,
म जीवनको मधुमासमा छु
जब हेर्छौ तिमि मलाई लाग्छ,
म विश्वभरिकी सुन्दरी हुँ
तिमी ठान नठान मलाई आफ्नो,
मैले तिमीलाई अपनाई सकें
केटा – तिमी देउ या नदेउ….
शब्द र संगीत: गोपाल योन्जन
स्वर: नारायण गोपाल र मिरा राणा
