~राजेश नेपाली~
आउ सबै नेपाली हो संघीयता फाल्नुपर्छ
जिल्ला जिल्ला सामन्तीका किल्लाहरू ढाल्नुपर्छ
भाई भाईमा फाटो पार्ने फोहोरी खेल खेलेका छन्
फाट्नु हुन्न जुट्नुलाइ नयाँ कदम चाल्नुपर्छ।
भित्रभित्रसम्म यहाँ शोषकको जरा गढ्यो
भर्भभराउँदो आगो बन्दै अब यिनीलाई गाल्नुपर्छ।
रोएकी छन् नेपाली आमा छियाछिया हुँदा देश यो
हामी सन्तान यी आमाका देशको घाउ टाल्नु पर्छ
फेरि पनि कालो रातमा डुबेको छ देश पूरै
चारैतिर राता मसाल फेरि पनि बाल्नुपर्छ।
–खाँचीकोट २, अर्घाखाँची
(स्रोत : हाँक विक्ली – वर्ष २८, अंक १७ – २०६७ चैत्र ०२ गते, बुधबार)
