अनूदित कविता : अशक्तता

~जिनाइदा गिप्पिउस~
अनु. कृष्णप्रकाश श्रेष्ठ.

जिज्ञासु नेत्रले हेर्छु असीम भवसागर,
बाँधिएको छु धर्तीमा, कुनै किनारमा तर …
भीरमा उभिएको छु ः माथि आकाश निर्मल,
उडान नीलिमातर्फ गर्न सक्तिनँ केवल ।।

गरुँ विद्रोह वा हार स्वीकारmँ ? अनभिज्ञ छु,
छैन साहस मर्ने वा बाँच्ने ः दोधारमा म छु …
मेरो सान्निध्यमा ईश ः प्रार्थना गर्न सक्तिनँ,
प्रेमको चाहना हुन्छ ः प्रेम गर्न म सक्तिनँ ।।

म सूर्यतर्फ फर्कन्छु फैलाई हात मास्तिर,
फिका बादलको देख्छु किनारा म सबैतिर …
मलाई लाग्छ, ज्ञाता हुँ सत्यताको अवश्य म,
परन्तु सत्यकै निम्ति मात्र सक्तिनँ बोल्न म ।।

ईंस.ं १८९३

जिनाइदा गिप्पिउस (१८६९ ः १९४५)

(अनु. कृष्णप्रकाश श्रेष्ठ, १४ सेप्टेम्बर १९९७, अत्राद्नोये २)

(रुसी कविताको नेपाली अनुवाद)

(स्रोत : Freenepal)