गीत : प्रेमको माला

~नीर शाह~

प्रेमको माला पहिराइदिएँ
सम्हाली राख यसलाई
नओइलिने फूलको माला हो यो
संगाली राख यसलाई

तिमी मेरो जीवनको उज्यालो हौ
म सधैं तिम्रो साथ रहन्छु
सुखमा पनि दुखमा पनि
एउटै भाव म पोखिरहन्छु

मायाको बन्धनले बाँधिदिएँ
दुई दिनको साहरा हैन
पवित्र सिंदूर छरिदिएँ
तृष्णामा मुछिएको माया हैन

शब्द – नीर शाह
स्वर – नारायण गोपाल
संगीत – सी के रसाइली
एल्बम – प्रेमको माला