~कमला क्षेत्री~
नेपाली भई बाँच्नु पर्छ कसैको दास बन्नु हुँदैन
नडगमगाई अघि बढौं, ज्यूँदो लास बन्नु हुँदैन
नेपाली यो भूमिमा नेपालीनै रमाउने हो
हाम्रो नेपाल बैरीजनको बास बन्नु हुँदैन
ए नेपाली दाजुभाई कति फुट्छौ जुट अब
चट्टानझैं दृढ बन फुकि ढल्ने तास बन्नु हुँदैन
नेपाली यो माटोमा गिद्दे आँखा लगाइराछन्
प्यारो हाम्रो मातृभूमि बैरीको गास बन्नु हुँदैन
बैरी सारा भगाउन एक ढिक्का बनी उठौं
वीर पूर्खाका सन्तान हामीहरु कायरताको रास बन्नु हुँदैन
नेपाली भई बाँच्नुपर्छ कसैको दास बन्नु हुँदैन
नडगमगाई अघि बढौं ज्यूँदो लास बन्नु हुँदैन
(कमला क्षेत्री रक्तिम सांस्कृतिक अभियान नवलपरासीकी सहसचिव हुन्)
(स्रोत : हाँक विक्ली – वर्ष २७, अंक ४७ – २०६७ कार्तिक १० गते, बुधबार )
