~कमला क्षेत्री~
जातजातिबीच दुश्मन यहाँ आफ्नो मान्छे कसलाई मान्ने
टुक्रा पार्न थाले देशलाई विजोग हो कि विकास ठान्ने
इसारामा चल्छन् नेता रिमोर्ट बने विदेशीको
रिमोर्ट थिचे घट्छ घटना यस्तो कुरा को छ जान्ने
सर्वहारा वर्गलाई मुक्ति दिन्छु भन्दै आए आउनलाई त
बोलिबचन बिर्सिएर खेल्छन् खेल कुर्सी तान्ने
बैरीले जाल फिंजायो टुक्रा पार्ने यो देशलाई
जालमा परे हाम्रो नेता जाल पन्छाउन कसलाई छान्ने।
बेलुवा, नवलपरासी
(स्रोत : हाँक विक्ली – वर्ष २७, अंक १७ – २०६६ फागुन २६ गते बुधबार )
