~दुर्गा लामिछाने~
मैले फूल जाँचीहेरेँ
मैले पथ्थर जाँचीहेरेँ
कहिले फूलसँग कहिले पथ्थरसँग
सबैसँग बाँचीहेरेँ
कोमल सोची फूल छुँदा फूलैले काटिदियो
बरु मेरो दु:ख पथ्थरले खुसीसँग साटिदियो
खुसी छरिँदा गला भरिँदा
कहिले फूलसँग कहिले पथ्थरसँग
सँधै नै हाँसीहेरेँ
रहेनछ म जस्तो दुनियाँ, न म दुनियाँ जस्तो
महँगो यो संसारमा माया शब्द सबैभन्दा सारै सस्तो
दुनियाँको सार मिलाउनलाई
कहिले फूलसँग कहिले पथ्थरसँग
अरु झैँ नाचीहेरेँ
शब्द – दुर्गा लामिछाने
संगित – चण्डिप्रसाद काफ्ले
स्वर – शिव परियार
