~बासु श्रेष्ठ~
सागरलाई थिचेर अनि सगरलाई चिरेर
बसेको छुँ साँधमा नेपाललाई बेरेर
उमेर बढ्छ जसै जसै बढ्दो छ वैंश उति नै
साहस हुन्छ झन् झन् दरिलो विपत परोस् जति नै
चुनौती बनेको छुँ विश्वलाई हाँक दिन्छु सबलाई
वायू शीत हिउँ सब रोक्न खोज्छन् मलाई
मेरो छाती खुल्ला छ टेक्न छुट् छ सबलाई
स्वीकार्छ चुनौती जसले मेरो बधाई छ उसलाई
चुल्लिँदै छुँ अझ माथी माथी बढ्दो उमेर सँगै
बादलपारी शीर राखी खेल्छु म गगन सँगै
मेरा मित्र ईष्र्या गर्छन् मेरो लहडीपन् देखी
देवहरु गर्छन् सदा स्तुती मेरो हिम्मत देखी
गौरव बनेको छुँ देशको विश्वमाझ चिनाउन
मेरो पनि बनेको छ गौरव खोज्दा मलाई चिनाउन
गाथा मेरो गाउँदा देशले हुन्छु म अति प्रशन्न
च्याप्छु अँगालोमा अझ कठोरसँग दूर म जान्न
दुख लाग्छ केवल सबले क्यान सिलिण्डर छोडदा
त्यस्तै कहिले मेरो नाम अन्य देशसँग जोडदा
भ्ाावुक हुन्छु बस् त्यतिबेला रुन्छु म हिम्पात बनी
नत्र भने कमजोर छैन म ढल्दिन कहिल्यै पिन
(स्रोत : Khasskhass)
