~राजकुमार बगर~
भोलिको कुनै एक दिन
मान्छेको देश
माछाको देश जस्तै हुनेछ
मान्छेको महादेश
माछाको महादेश जस्तै हुनेछ
र मान्छे माछा जस्तै हुनेछ भोलिको कुनै एक दिन
बलिस्ठ माछाहरु माछाकै पसल थाप्नेछन
बलिस्ठ माछाहरु
माछाकै भोज खानेछन
निर्बल माछाहरुको अस्थिपन्जरको लागि
हिङ्सा भित्र हिङ्सा हुनेछ
युद्ध भित्र युद्ध हुनेछ
मृत्यु बहुलाउने छ अघाउन्जेल रगत पिएर
जीवन चक्र बद्लिनेछ् एकाएक जब
झरी बग्नेछ् नदिमा अबिरल
पैरो बग्नेछ नदिमा अबिरल
बाढी ग्रस्त नदिमा
बाढी ग्रस्त माछाहरु
कुनै ढुङ्गामा ठोक्किएर
कुनै किनरामा ठोक्किएर
कुनै आ आँफै ठोक्किएर
भयभित मृत्यु मर्नेछन
त्यतिबेला,माछाको देश हराउनेछ
माछाको माहादेश हराउनेछ्
यश र भेश हराउनेछ माछाहरुको
हार्न नचाहने अहङ्कारी माछाहरु
जित्ने भ्रममा
नदिभरी आगो लगाउनेछन
नदिहरु धुवा धुवा हुनेछन
माछाहरु खरानी खरानी हुनेछन
माछा नदिको हुनेछैन
नदी माछाको हुनेछैन
केबल शुन्य,शुन्य र शुन्यले
जताततै झन्डा गाड्नेछ् भोलिको कुनै एक दिन……………!!!
(स्रोत : रचनाकारको फेसबुकबाट सभार )
