~कोमल भट्ट~
दुख्दछ जिन्दगी दुखाइ दिन्छु
आँसु छ नेत्रमा चुहाइ दिन्छु
रात र दिन नै भयो अशान्ति
सक्दिन हाँस्न नै रुवाइ दिन्छु
पोल्दछ बेसरी छ दर्द मात्रै
यो मुटु बोझ भो फुटाइ दिन्छु
बस्छु प्रवासमा खपेर पीडा
सोच र चाहना बगाइ दिन्छु
जे जति दु:ख हो सहन्छु आफैँ
भन्दिन वेदना लुकाइ दिन्छु
निष्ठुर दैबले सुनेन बिन्ती
‘कोमल’ भावमै बिलाइ दिन्छु
(६ अक्षरमा विश्राम )
कोमल भट्ट
पुरानो नैकाप, काठमाडौँ
हाल :- न्युयोर्क, अमेरिका
(स्रोत : Nareedarpan)
