गजल : साथ पनि दियो

~कविराज मगर~

जिन्दगीमा पिरतीले साथ पनि दियो
लड्दा खेरी समाउने हात पनि दियो ।

कैले काहिँ रमाएर खुशी हुँदा खेरी
उमङ्गले भरिएको मात पनि दियो ।

हाम्रो बिछोड हुदा खेरि एक्लै भएको छु
त्यसैले पीडाहरुको खात पनि दियो ।

मेरो जिन्दगी घर न घाटको भएपछी
पिरथिले धोकेवाजको जात पनि दियो ।

सजाएर मुटु भित्रै राख्नु खोजें पनि
निष्ठुरीले घात गरि लात पनि दियो ।।

कविराज मगर
दिप्लुङ १ केराबारी
खोटाङ

(स्रोत : Nareedarpan)