छेस्का : चट्काइ दिउँ कि गाला

~रमेश पल्लव~

कहिले होटल कहिले डिस्को निको छैन चाला
यो मुटुमा किन रोपिस् तिखो-तिखो भाला

अंकल-अंकल भन्छ छोरो बिर्सिसक्यो मलाई
दिनरात पीर मात्रै छोड्दिन म तँलाई

बजार जान्छु भनी सधैं मोटरसाइकलमा भाग्ने
दिनैपिच्छे फेरी-फेरी अर्कैसित लाग्ने

बिजोगमा बच्चाबच्ची अनि लालाबाला
अति भयो खप्नलाई चट्काइ दिउँ कि गाला ।

हाल: क्यालिफोर्निया, अमेरिका

(स्रोत : Khasskhass)