गजल : विश्वास बल्नु बलिसक्यो

~केशव आचार्य~

यति धेरै पिडा दियौ, मन जल्नु जलिसक्यो
शान्त मेरो ह्दयमा, आँधि चल्नु चलिसक्यो

जिन्दगीको परिभाषा, खोजी खोजी थाकिसकेँ
सल्किएर आँफैभित्र, पिडा गल्नु गलि सक्यो

नआउनु फर्किएर, मनका व्यथा मेटाउन
तिम्रा सबै सम्झनाहरु, आज ढल्नु ढलिसक्यो

कति खाउँ आफुमात्र, चोटमाथि चोटहरु
आगो भित्र दनदनी, विश्वास बल्नु बलिसक्यो

बोल्डर, कोलोराडो

(स्रोत : Khasskhass.com )