~पुरु लम्साल~
म तिम्रो घरको जग खन्छु
तिमी मेरो घरको गाह्रो लगाऊ
यो पुनर्निर्माणको बेला हो
आऊ,
हामी मिलेर बनाउँ हाम्रो घर
म तिम्रो घरको झ्याल बनाउछु
तिमी मेरो घरको छानो लगाऊ
यो सहकार्यको समय हो
आऊ,
हामी मिलेर बनाउँ हाम्रो घर
मसँग छ एक मुठी सातु
तिमीसँग छ भोको पेट
आऊ,
मिलेर लडौँ
भोकसँग
रोगसँग
बिपदसँग
सबैभन्दा ठूलो शक्ति
आशा हो
उत्साह हो
र धैर्यता हो !!
आऊ, हातेमालो गरौँ
मिलेर फेरौँ यो देशको मुहार
र देखाइदिऔँ सबैलाई
हामी नेपाली हौँ !!!
(स्रोत : Pancha Vismrit’s Blog)
